ಪ್ರತಿಯೊಬ್ಬರು ಕೂಡಾ ತಾವು ಎಲ್ಲರಿಗಿಂತ ಭಿನ್ನವಾಗಿ, ವಿಶೇಷವಾಗಿ ಮದುವೆಯಾಗಬೇಕು ಎಂದು ಬಯಸುತ್ತಿದ್ದು, ಕೆಲವರು ಕೋಟಿಗಟ್ಟಲೆ ಹಣವನ್ನು ನೀರಿನಂತೆ ಖರ್ಚು ಮಾಡುತ್ತಾರೆ. ಅದೇ ರೀತಿ ಇಲ್ಲೊಂದು ಜೋಡಿಯೂ ಕೂಡಾ ಬಹಳ ವಿಭಿನ್ನವಾಗಿ ಮದುವೆಯಾಗಿದ್ದು, ಸೌದಿ ಅರೇಬಿಯಾದ ಈ ಜೋಡಿ ಕೆಂಪು ಸಮುದ್ರದ ನೀರಿನಾಳದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಿ, ಈ ಮದುವೆಯ ಸುಂದರ ಪೋಟೋಗಳು ಇದೀಗ ಎಲ್ಲೆಡೆ ವೈರಲ್‌ ಆಗುತ್ತಿದೆ.
ಹೌದು ಮದುವೆಯ ದಿನವನ್ನು ಜೀವನ ಪರ್ಯಂತ ಸ್ಮರಣೀಯವಾಗಿರಿಸಲು ಹಲವರು ತಾವು ಬಹಳ ವಿಶೇಷವಾಗಿ ಹಾಗೂ ಎಲ್ಲರಿಗಿಂತ ವಿಭಿನ್ನವಾಗಿ ಮದುವೆ ಯಾಗಬೇಕಾಗಿ ಬಯಸುತ್ತಿದ್ದು, ಕೆಲವರು ಕೋಟಿಗಟ್ಟಲೆ ಹಣವನ್ನು ಖರ್ಚು ಮಾಡಿ ರಾಯಲ್‌ ಥೀಮ್‌ನಲ್ಲಿ ಗ್ರ್ಯಾಂಡ್‌ ಆಗಿ ಮದುವೆಯಾದರೆ, ಇನ್ನೂ ಕೆಲವರು ವಿದೇಶದ ತಮ್ಮ ನೆಚ್ಚಿನ ಸ್ಥಳದಲ್ಲಿ ಡೆಸ್ಟಿನೇಷನ್‌ ವೆಡ್ಡಿಂಗ್‌ ಮಾಡಿಕೊಳ್ಳುತ್ತಾರೆ. ಮತ್ತಷ್ಟು ಜನರು ಹಿಮ ಪರ್ವತದ ಮೇಲೆ ಮದವೆಯಾದವರೂ ಇದ್ದಾರೆ. ಇಂತಹ ವಿಶಿಷ್ಟ ಮದುವೆಗಳ ಸುದ್ದಿಗಳು ಆಗೊಮ್ಮೆ ಈಗೊಮ್ಮೆ ಹರಿದಾಡುತ್ತಲೇ ಇರುತ್ತಿದ್ದು,. ಇದೀಗ ಅಂತಹದ್ದೇ ಒಂದು ಸುದ್ದಿ ವೈರಲ್‌ ಆಗಿದೆ.
ಸೌದಿ ಅರೇಬಿಯಾದ ಜೋಡಿಯೊಂದು ಕೆಂಪು ಸಮುದ್ರದ ಆಳದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದು, ಈ ವಿಶಿಷ್ಟ ಮದುವೆ ಪೋಟೋಗಳು ಇದೀಗ ಎಲ್ಲೆಡೆ ವೈರಲ್‌ ಆಗುತ್ತಿದೆ. ಸೌದಿ ಅರೇಬಿಯಾದ ಹಸನ್‌ ಅಬು ಅಲ್‌ ಓಲಾ ಮತ್ತು ಯಾಸ್ಮಿನ್‌ ಇಲ್ಲಿನ ಜೆಡ್ಡಾದ ಕೆಂಪು ಸಮುದ್ರದ ಆಳದಲ್ಲಿ ವಿಶಿಷ್ಟ ರೀತಿಯಲ್ಲಿ ಮದುವೆಯಾಗಿದ್ದು, ಇದು ಸೌದಿ ಅರೇಬಿಯಾದಲ್ಲಿ ಸಮುದ್ರದಾಳದಲ್ಲಿ ನಡೆದ ಮೊದಲ ಮದುವೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಈ ಮದುವೆಯ ಸುದ್ದಿ ಸಖತ್‌ ವೈರಲ್‌ ಆಗುತ್ತಿದ್ದು, ಇದೊಂದು ಮರೆಯಲಾಗದ ಅನುಭವ ಎಂದು ಮದುಮಗ ಹಸನ್‌ ತಮ್ಮ ಖುಷಿಯನ್ನು ಹಂಚಿಕೊಂಡಿದ್ದಾರೆ.
ಹಸನ್‌ ಮತ್ತು ಯಾಸ್ಮಿನ್‌ ಸ್ಕೂಬಾ ಡೈವಿಂಗ್‌ ಮತ್ತು ಸಾಹಸ ಕ್ರೀಡೆಗಳಲ್ಲಿ ಬಹಳ ಆಸಕ್ತಿಯನ್ನು ಹೊಂದಿದ್ದು, ಇದೇ ಕಾರಣದಿಂದ ಸಮುದ್ರದಾಳದಲ್ಲಿ ಮದುವೆಯಾಬೇಕೆಂದು ಬಯಸಿದ್ದರು. ಇದೀಗ ಇವರು ತಮ್ಮಿಚ್ಛೆಯಂತೆ ಆಳ ಸಮುದ್ರದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಕ್ಯಾಪ್ಟನ್‌ ಫೈಸಲ್‌ ಫ್ಲಾಂಬನ್‌ ನೇತೃತ್ವದ ಸ್ಥಳೀಯ ಡೈವರ್‌ಗಳ ಗುಂಪು ಈ ವಿಶಿಷ್ಟ ವಿವಾಹವನ್ನು ಆಯೋಜನೆ ಮಾಡಲಾಗಿತ್ತು. ಈ ವಿಶಿಷ್ಟ ಮದುವೆಯಲ್ಲಿ ದಂಪತಿಯ ಆಪ್ತರು ಮತ್ತು ಡೈವಿಂಗ್‌ ಪಟುಗಳು ಭಾಗವಹಿಸಿದ್ದರು.
