Ashwaveega News 24×7 ಮಾರ್ಚ್ 17 – 2026 : ಬೆಂಗಳೂರು: ವಿದೇಶದಿಂದ ಅಕ್ರಮ ವಸ್ತುಗಳನ್ನು ಸಾಗಿಸಲು ಸ್ಮಗ್ಲರ್ಗಳು ಹೊಸ ಮಾರ್ಗಗಳನ್ನು ಹುಡುಕುತ್ತಿರುವ ಸಂದರ್ಭ, ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಕಸ್ಟಮ್ಸ್ ಅಧಿಕಾರಿಗಳು ಹೊಸ ಮತ್ತು ಚತುರತೆಯ ತಂತ್ರವನ್ನು ಪತ್ತೆಹಚ್ಚಿ ಕೋಟ್ಯಂತರ ರೂಪಾಯಿ ಮೌಲ್ಯದ ಡ್ರಗ್ಸ್ ಜಾಲವನ್ನು ಕಂಡುಹಿಡಿದ್ದಾರೆ .
ಸೋಮವಾರ, ಬ್ಯಾಂಕಾಕ್ನಿಂದ ಬೆಂಗಳೂರಿಗೆ ಬಂದ ವಿಮಾನದಲ್ಲಿ ಒಬ್ಬ ಪ್ರಯಾಣಿಕ 2–3 ಅಡಿ ಎತ್ತರದ ‘ಮೀನಿನ ಚಿತ್ರ’ ಇರುವ ಅಲಂಕಾರಿಕ ಫೋಟೋ ಫ್ರೇಮ್ ಒದಗಿಸಿದ್ದರು. ವಿಮಾನ ನಿಲ್ದಾಣದಲ್ಲಿ ತಪಾಸಣೆ ನಡೆಸುವಾಗ, ಫ್ರೇಮ್ನ ಅಸಹಜ ತೂಕ ಮತ್ತು ಚೌಕಟ್ಟಿನ ರಚನೆ ಅಧಿಕಾರಿಗಳ ಗಮನ ಸೆಳೆದಿತು. ಪ್ರಯಾಣಿಕ ಫ್ರೇಮ್ ಅನ್ನು ಮನೆಗೆ ಹಾಕುವ ಸಾಮಾನ್ಯ ವಸ್ತು ಎಂದು ಅರ್ಜಿ ಸಲ್ಲಿಸಲು ಪ್ರಯತ್ನಿಸಿದರೂ, ಅನುಮಾನ ಎದುರಾಯಿತು.
ಫ್ರೇಮ್ ಒಳಗೆ ಗುಪ್ತ ಪ್ಯಾಕೆಟ್ ಪತ್ತೆ– ಅಧಿಕಾರಿಗಳು ಲೋಹದ ಚೌಕಟ್ಟನ್ನು ಮತ್ತು ಹಿಂಭಾಗದ ಶೀಟ್ ಅನ್ನು ತೆರೆಯುವ ವೇಳೆ, ಎರಡು ಪ್ಲಾಸ್ಟಿಕ್ ಹೊದಿಕೆಗಳನ್ನು ಪತ್ತೆಹಚ್ಚಿದರು. ಬಿಚ್ಚಿ ನೋಡಿದಾಗ, 1.125 ಕೆ.ಜಿ ಹೈಡ್ರೋಪೋನಿಕ್ ಗಾಂಜಾ ಪತ್ತೆಹಾಯಿತು. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಇದರ ಮೌಲ್ಯ ಸುಮಾರು ₹39,37,500 ಎಂದು ಅಂದಾಜಿಸಲಾಗಿದೆ .
ಹೈಡ್ರೋಪೋನಿಕ್ ಗಾಂಜಾ ಅಂದರೆ : ಸಾಮಾನ್ಯ ಗಾಂಜಾ ಹೋಲಿಸಿದರೆ ಹೈಡ್ರೋಪೋನಿಕ್ ಗಾಂಜಾ ಹೆಚ್ಚು ಶಕ್ತಿಶಾಲಿ ಮತ್ತು ದುಬಾರಿ. ಮಣ್ಣಿಲ್ಲದೆ, ಕೇವಲ ನೀರಿನಲ್ಲಿ ಪೋಷಕಾಂಶಗಳನ್ನು ನೀಡಿ ಬೆಳೆಸಲಾಗುತ್ತದೆ. ಸ್ಮಗ್ಲರ್ಗಳು ಇದನ್ನು ಪತ್ತೆಯಾಗದಂತೆ ಫೋಟೋ ಫ್ರೇಮ್, ಚಾಕೊಲೆಟ್ ಬಾಕ್ಸ್ ಅಥವಾ ಗೊಂಬೆಗಳೊಳಗೆ ಸೇರಿಸಿ ಸಾಗಿಸಲು ಪ್ರಯತ್ನಿಸುತ್ತಾರೆ .
ಸದ್ಯ ಆರೋಪಿಯನ್ನು ಕಸ್ಟಮ್ಸ್ ಅಧಿಕಾರಿಗಳ ವಶಕ್ಕೆ ಪಡೆದು, ಎನ್ಡಿಪಿಎಸ್ ಕಾಯ್ದೆ 1985ರಡಿ ಪ್ರಕರಣ ದಾಖಲಿಸಿ ತನಿಖೆ ಮುಂದುವರಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
