ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನ MS ಪಾಳ್ಯದ ಮುಖ್ಯರಸ್ತೆಯಲ್ಲಿ ಮಳೆಗಾಲದ ನಂತರ ಬಿದ್ದಿರುವ ದೊಡ್ಡದಾದ ಗುಂಡಿಗಳು, ಸ್ಥಳೀಯರ ಜೀವನಕ್ಕೆ ಭಾರಿ ಸಂಕಟವನ್ನು ಉಂಟುಮಾಡಿವೆ. ಕಳೆದ ಮೂರು ವರ್ಷಗಳಿಂದ ಈ ರಸ್ತೆಯಲ್ಲಿ ಬಿದ್ದಿರುವ ಯಮಸ್ವರೂಪಿ ಗುಂಡಿಗಳು ಜನರನ್ನು ಕಂಗಾಲು ಮಾಡಿವೆ.
ಇಲ್ಲಿನ ಜನರು ತಮ್ಮ ಪ್ರಾಣವನ್ನು ಕೈಯಲ್ಲೇ ಹಿಡಿದುಕೊಂಡು ಓಡಾಡುವ ಪರಿಸ್ಥಿತಿ ಎದುರಿಸುತ್ತಿದ್ದಾರೆ. ಒಂದು ಕಡೆ ಗುಂಡಿಗಳ ಹಾವಳಿಯಿಂದ ರಸ್ತೆ ಇತ್ತ-ಅತ್ತ ಹೋಗಲು ಸಾಧ್ಯವಿಲ್ಲ, ಮತ್ತೊಂದು ಕಡೆ BBMP (ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ) ದ್ವಾರಾ ರಸ್ತೆ ರಿಪೇರಿ ಹಾಗೂ ಕಾಮಗಾರಿ ಮುಗಿದರೂ, ರಸ್ತೆಯ ಗುಂಡಿಗಳನ್ನು ಸರಿ ಮಾಡಲಾಗಿಲ್ಲ.
ಈ ಸಮಸ್ಯೆಯಿಂದ ತೀವ್ರ ಬೇಸತ್ತಿರುವ ಜನರು, BBMP ಹಾಗೂ ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಶಾಸಕರು ಈ ಕಡೆ ಕಣ್ಣಾಯಿಸಲಿಲ್ಲ ಎನ್ನುವುದು ಜನರ ದೂರು.
ಹೊಂದಿಕೊಂಡಂತೆ, ಜಿಕೆವಿಕೆ ಮುಖ್ಯರಸ್ತೆಯಲ್ಲಿಯೂ ಇದೇ ಪರಿಸ್ಥಿತಿ ಮುಂದುವರೆದಿದೆ. ಕಳೆದ ಒಂದು ವರ್ಷದಿಂದ ರಸ್ತೆ ಗುಂಡಿಗಳು ಬಿದ್ದಿದ್ದರೂ, ಅಧಿಕಾರಿಗಳು ಇದನ್ನು ಸುಧಾರಿಸುವ ಬಗ್ಗೆ ಹೆಚ್ಚಿನ ಗಮನಹರಿಸುತ್ತಿಲ್ಲ. ಬೆಳಿಗ್ಗೆ ವೇಳೆಯಲ್ಲಿ ಟ್ರಾಫಿಕ್ ಜಾಮ್ ಇಂದ ವಾಹನ ಸವಾರರು ತೀವ್ರವಾಗಿ ಬೇಸತ್ತಿದ್ದಾರೆ.
