ನಮ್ಮ ತ್ವಚೆ ಸುಂದರವಾಗಿ ಕಾಣಬೇಕು ಅಂತ ತುಂಬಾ ಜನರಿಗೆ ಆಸೆ ಇರುತ್ತೆ ಅಲ್ವಾ , ಹಾಗಾದರೆ ನಿಮ್ಮ ತ್ವಚೆ ಸುಂದರವಾಗಿ ಮತ್ತು ಆರೋಗ್ಯಕರವಾಗಿರಬೇಕೆಂದರೆ ಕೆಲವು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವುದು ಬಹಳ ಮುಖ್ಯ ಆಗುತ್ತೆ . ಹಾಗಾದ್ರೆ ಮುಖದ ಮೇಲಿನ ಸುಕ್ಕುಗಳನ್ನು ಕಡಿಮೆ ಮಾಡಲು ಮತ್ತು ತ್ವಚೆಯ ಕಾಂತಿಯನ್ನು ಹೆಚ್ಚಿಸಲು ಅನುಸರಿಸಬೇಕಾದ ಟಿಪ್ಸ್ ಯಾವುವು ಎಂದು ತಿಳಿಯೋಣ ಬನ್ನಿ. ಕೆಲವರಿಗೆ ಚಿಕ್ಕ ವಯಸ್ಸಿನಲ್ಲಿಯೇ ವಯಸ್ಸಾಗುವಿಕೆ ಲಕ್ಷಣಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತದೆ. ಇದಕ್ಕೆ ಮುಖ್ಯ ಕಾರಣವೆಂದರೆ ಒತ್ತಡ, ಆಹಾರ ಪದ್ಧತಿ, ನಿದ್ರೆಯ ಕೊರತೆ. ಆದರೆ ಕೆಲ ಟಿಪ್ಸ್ ಫಾಲೋ ಮಾಡುವ ಮೂಲಕ ಯಂಗ್ ಲುಕ್ ಮರಳಿ ಪಡೆಯಬಹುದು. ನಿಮ್ಮ ತ್ವಚೆ ಸುಂದರವಾಗಿ ಮತ್ತು ಆರೋಗ್ಯಕರವಾಗಿರಬೇಕೆಂದರೆ ಕೆಲವು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವುದು ಬಹಳ ಮುಖ್ಯ .
- ನಮ್ಮ ತ್ವಚೆಯನ್ನು ತೇವವಾಗಿರಿಸಿಕೊಳ್ಳುವುದು ಅಂದರೆ ತೇವಾಂಶದಿಂದ ಇರಿಸಿಕೊಳ್ಳುವುದು ಬಹಳ ಮುಖ್ಯ. ಮುಖದಲ್ಲಿ ತೇವಾಂಶವಿಲ್ಲದಿದ್ದರೆ, ಚರ್ಮವು ಶುಷ್ಕ, ಬಿಗಿ ಮತ್ತು ಫ್ಲಾಕಿ ಆಗಬಹುದು. ಇದರಿಂದ ಚರ್ಮವು ಮಂದ ಮತ್ತು ಅನಾರೋಗ್ಯಕರವಾಗಿ ಕಾಣುತ್ತದೆ. ಆದರೆ ತ್ವಚೆ ತೇವಾಂಶದಿಂದ ಕೂಡಿದ್ದರೆ ಚರ್ಮವು ಆರೋಗ್ಯಕರ ಮತ್ತು ಮೃದುವಾಗಿರುತ್ತದೆ. ಹಾಗಾಗಿ ಯಾವಾಗಲೂ ತ್ವಚೆಗೆ ಅಲೋವೆರಾ ಜೆಲ್ ಅಥವಾ ತೆಂಗಿನ ಎಣ್ಣೆಯಂತಹ ನೈಸರ್ಗಿಕ ಮಾಯಿಶ್ಚರೈಸರ್ ಬಳಸಿ. ಅಲ್ಲದೇ, ಗ್ಲಿಸರಿನ್-ಭರಿತ ಮಾಯಿಶ್ಚರೈಸರ್ಗಳು ಅಥವಾ ನೈಸರ್ಗಿಕ ಪದಾರ್ಥಗಳಂತಹ ಉತ್ಪನ್ನಗಳನ್ನು ಆಯ್ಕೆ ಮಾಡಿ ಉಪಯೋಗಿಸಿ.
- ನಿಮ್ಮ ಚರ್ಮವನ್ನು ನೇರಳಾತೀತ ಕಿರಣಗಳಿಂದ ರಕ್ಷಿಸಲು , ಹೊರಗೆ ಹೋಗುವ ಮುನ್ನ ಪ್ರತಿದಿನ ಸನ್ಸ್ಕ್ರೀನ್ ಹಚ್ಚುವುದು ಅವಶ್ಯಕ. ಸನ್ಸ್ಕ್ರೀನ್ ನಿಮ್ಮ ತ್ವಚೆಯನ್ನು ತೇವಗೊಳಿಸುವಂತೆ ಮಾಡುತ್ತದೆ , ಜೊತೆಗೆ ಯಂಗ್ ಲುಕ್ ನೀಡುತ್ತದೆ ಮತ್ತು ತ್ವಚೆಯ ವಯಸ್ಸಾಗುವಿಕೆಯನ್ನು ತಡೆಗಟ್ಟುತ್ತದೆ. ಆದ್ದರಿಂದ ನಿಮ್ಮ ಚರ್ಮವನ್ನು ಸೂರ್ಯನಿಂದ ರಕ್ಷಿಸಲು ನೀವು ಕನಿಷ್ಟ ಅಲ್ಟ್ರಾ-ಸ್ಪೆಕ್ಟ್ರಮ್ ಸನ್ಸ್ಕ್ರೀನ್ ಅನ್ನು ಬಳಸಬೇಕು. ಚರ್ಮ ವಯಸ್ಸಾಗುವಿಕೆಯನ್ನು ವಿಳಂಬಗೊಳಿಸುತ್ತದೆ ಮತ್ತು ಸೂರ್ಯನ ಹಾನಿಯಿಂದ ರಕ್ಷಿಸುತ್ತದೆ. ನೀವು ಬಿಸಿಲಿನಲ್ಲಿ ಹೆಚ್ಚು ಸಮಯ ಕಳೆಯುವವರಾದರೆ ಎರಡು ಗಂಟೆಗೊಮ್ಮೆ ಸನ್ ಸ್ಕ್ರೀನ್ ಹಚ್ಚಲೇಬೇಕು .
- ಮುಖಕ್ಕೆ ಮಸಾಜ್ ಮಾಡುವುದರಿಂದ ನಮಗೆ ಚೈತನ್ಯ ಸಿಗುತ್ತದೆ ಮತ್ತು ಮುಖದಲ್ಲಿ ರಕ್ತ ಸಂಚಾರ ಹೆಚ್ಚುತ್ತದೆ. ನೀವು ಮುಖದ ಪ್ರತಿಯೊಂದು ಭಾಗವನ್ನು ಮಸಾಜ್ ಮಾಡಿದಾಗ ನೀವು ಬಹಳಷ್ಟು ಪ್ರಯೋಜನಗಳನ್ನು ಪಡೆಯಬಹುದು. ಫೇಸ್ ಮಸಾಜ್ ಚರ್ಮದ ಕೋಶಗಳನ್ನು ಪುನರ್ಯೌವನಗೊಳಿಸಲು ಮತ್ತು ಚರ್ಮದಿಂದ ವಿಷವನ್ನು ಹೊರಹಾಕಲು ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ. ಇದಲ್ಲದೇ, ಇದು ಚರ್ಮದ ಸುಕ್ಕುಗಳು, ತ್ವಚೆ ವಯಸ್ಸಾಗುವಿಕೆ ಮತ್ತು ತ್ವಚೆಯ ಮೇಲಿನ ಗೆರೆಗಳಂತಹ ಸಮಸ್ಯೆಗಳನ್ನು ಸಹ ನಿವಾರಿಸುತ್ತದೆ.
- ಇಡೀ ದೇಹಕ್ಕೆ ನೀರು ಅತ್ಯಗತ್ಯ . ದಿನವಿಡೀ ನಿಮ್ಮ ಚರ್ಮವನ್ನು ತೇವಾಂಶದಿಂದ ಇರುಸಲು ನೀರು ಬಹಳ ಮುಖ್ಯವಾಗಿದೆ . ಹೆಚ್ಚು ನೀರು ಕುಡಿಯುವವರು ಸಾಮಾನ್ಯವಾಗಿ ನೈಸರ್ಗಿಕ ಮತ್ತು ಹೈಡ್ರೀಕರಿಸಿದ ಚರ್ಮವನ್ನು ಹೊಂದಿರುತ್ತಾರೆ. ಇದು ಅವರ ತ್ವಚೆಯನ್ನು ದೃಢವಾಗಿಡಲು ಆದ್ದರಿಂದ ದಿನಕ್ಕೆ ಕನಿಷ್ಠ 2 ಲೀಟರ್ ನೀರು ಕುಡಿಯಿರಿ. ದೇಹದಿಂದ ಸತ್ತ ಜೀವಕೋಶಗಳನ್ನು ತೆಗೆದುಹಾಕಲು ನಿದ್ರೆಯ ಅಗತ್ಯವಿದೆ. ಆದ್ದರಿಂದ ಪ್ರತಿಯೊಬ್ಬ ವ್ಯಕ್ತಿಯು ದಿನಕ್ಕೆ ಕನಿಷ್ಠ 7 ರಿಂದ 8 ಗಂಟೆಗಳ ಕಾಲ ನಿದ್ರಿಸಬೇಕು. ನೀವು ನಿದ್ರೆ ಮಾಡಿದರೆ ಮಾತ್ರ ನಿಮ್ಮ ದೇಹವು ಆರೋಗ್ಯಕರವಾಗಿರುತ್ತದೆ ಮತ್ತು ನಿಮ್ಮ ಚರ್ಮವು ಹೊಳೆಯುತ್ತದೆ.
- ಮನೆಯಲ್ಲಿರುವ ಪದಾರ್ಥಗಳನ್ನೇ ಬಳಸಿಕೊಂಡು ತಯಾರಿಸಿದ ಒಂದಷ್ಟು ನೈಸರ್ಗಿಕ ಮನೆ ಮದ್ದುಗಳು ನಿಮಗೆ ಯೌವನದ ನೋಟವನ್ನು ನೀಡುತ್ತದೆ. ಜೇನುತುಪ್ಪ ಮತ್ತು ಬೆಣ್ಣೆ ಅಥವಾ ಅರಿಶಿನ ಮತ್ತು ತೆಂಗಿನ ಎಣ್ಣೆಯಿಂದ ಮುಖವನ್ನು ಮಸಾಜ್ ಮಾಡಿದರೆ ಸುಕ್ಕುಗಳ ನಿವಾರಣೆ ಮತ್ತು ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.
