ಬೆಂಗಳೂರಿನಲ್ಲಿ ಐಷಾರಾಮಿ ಕಾರುಗಳ ಸಂಖ್ಯೆ ಹೆಚ್ಚಳ: ಹೊರ ರಾಜ್ಯದ ಹಳೆಯ ಕಾರುಗಳಿಂದಲೇ ವಾಯುಮಾಲಿನ್ಯ?

Ashwaveega News 24×7  ಫೆಬ್ರವರಿ 26 – 2026  ಬೆಂಗಳೂರು : ಐಟಿ ನಗರಿ Bengaluru ನಲ್ಲಿ ಐಷಾರಾಮಿ ಕಾರುಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿದ್ದು, ಅದರ ಜೊತೆಗೆ ವಾಯುಮಾಲಿನ್ಯವೂ ಏರಿಕೆಯಾಗುತ್ತಿರುವ ಬಗ್ಗೆ ಚರ್ಚೆ ಜೋರಾಗಿದೆ . ವಿಶೇಷವಾಗಿ ಹೊರ ರಾಜ್ಯಗಳಲ್ಲಿ ನೋಂದಾಯಿತ ಹಳೆಯ ಡೀಸೆಲ್ ಹಾಗೂ ಪೆಟ್ರೋಲ್ ಕಾರುಗಳ ಸಂಚಾರವೇ ಮಾಲಿನ್ಯಕ್ಕೆ ಕಾರಣವಾಗುತ್ತಿದೆ ಎಂಬ ಆರೋಪಗಳು ಕೇಳಿಬರುತ್ತಿವೆ.

ನಗರದ ಪ್ರಮುಖ ರಸ್ತೆಗಳು, ಐಟಿ ಕಾರಿಡಾರ್‌ಗಳು ಮತ್ತು ವಾಣಿಜ್ಯ ಪ್ರದೇಶಗಳಲ್ಲಿ ಹೈಎಂಡ್‌ ವಾಹನಗಳ ಓಡಾಟ ಹೆಚ್ಚಾಗಿದೆ. ಆದರೆ, ಹಳೆಯ ಎಂಜಿನ್‌ ತಂತ್ರಜ್ಞಾನ ಹೊಂದಿರುವ ವಾಹನಗಳು ಹೆಚ್ಚಾಗಿ ಹೊಗೆ ಹೊರಸೂಸುತ್ತಿದ್ದು, ಗಾಳಿಯ ಗುಣಮಟ್ಟದ ಮೇಲೆ ಪರಿಣಾಮ ಬೀರುತ್ತಿದೆ …

10 –15 ವರ್ಷ ಹಳೆಯ ವಾಹನಗಳು ನಿಯಮಿತ ಎಮಿಷನ್‌ ಟೆಸ್ಟ್‌ ಮಾಡಿಸದಿದ್ದರೆ ಹೆಚ್ಚು ಮಾಲಿನ್ಯ ಉಂಟುಮಾಡುವ ಸಾಧ್ಯತೆ ಇದೆ. ಹೊರ ರಾಜ್ಯ ನೋಂದಣಿ ಹೊಂದಿರುವ ಕೆಲವು ವಾಹನಗಳು ನಗರದಲ್ಲಿ ದೀರ್ಘಕಾಲ ಓಡಾಡುತ್ತಿದ್ದರೂ, ನಿಯಮಗಳ ಕಟ್ಟುನಿಟ್ಟಿನ ಅನುಷ್ಠಾನದಲ್ಲಿ ಸವಾಲುಗಳಿವೆ ಅಂತನೇ ಹೇಳಬಹುದು .

ಸಂಚಾರ ದಟ್ಟಣೆ, ನಿರಂತರ ಟ್ರಾಫಿಕ್ ಜಾಮ್ ಮತ್ತು ನಿರ್ಮಾಣ ಕಾಮಗಾರಿಗಳ ಧೂಳು ಕೂಡ ವಾಯುಮಾಲಿನ್ಯ ಹೆಚ್ಚಲು ಕಾರಣವಾಗಿವೆ. ಐಷಾರಾಮಿ ಕಾರುಗಳ ಹೆಚ್ಚಳವು ನಗರ ಜೀವನಶೈಲಿಯ ಬದಲಾವಣೆಯ ಸೂಚಕವಾಗಿದ್ದರೂ, ಪರಿಸರದ ಮೇಲಿನ ಪರಿಣಾಮವನ್ನು ಗಮನದಲ್ಲಿಟ್ಟುಕೊಳ್ಳಬೇಕಿದೆ.

ನಗರದಲ್ಲಿ ಮಾಲಿನ್ಯ ನಿಯಂತ್ರಣಕ್ಕಾಗಿ ಕಠಿಣ ಎಮಿಷನ್‌ ನಿಯಮಗಳು, ಹಳೆಯ ವಾಹನಗಳ ಮೇಲಿನ ನಿರ್ಬಂಧ ಮತ್ತು ಸಾರ್ವಜನಿಕ ಸಾರಿಗೆ ಬಳಕೆಯನ್ನು ಉತ್ತೇಜಿಸುವ ಕ್ರಮಗಳನ್ನು ಜಾರಿಗೆ ತರಬೇಕೆಂದು ನಾಗರಿಕ ಸಂಘಟನೆಗಳು ಆಗ್ರಹಿಸಿವೆ.

ಒಟ್ಟಿನಲ್ಲಿ, ಅಭಿವೃದ್ಧಿಯ ಜೊತೆಗೆ ಪರಿಸರ ಸಂರಕ್ಷಣೆಗೂ ಸಮಾನ ಆದ್ಯತೆ ನೀಡುವ ಅಗತ್ಯತೆ ಎದುರಾಗಿದೆ .